കുടുംബത്തിലെ സ്‌നേഹനിമിഷങ്ങള്‍ക്ക് വലിയ പ്രാധാന്യം നല്‍കാത്ത ഒരു മനുഷ്യന്‍. സ്‌നേഹത്തിനുപോലും കണക്കു സൂക്ഷിക്കുന്ന ആള്‍. അങ്ങനെയാണ് മാടമ്പി എന്ന ഗോപാലകൃഷ്ണപിള്ളയെ ഇലവട്ടം ഗ്രാമവാസികള്‍ കണ്ടിരുന്നത്. പക്ഷേ, കണക്കുകൂട്ടലുകള്‍ തെറ്റിച്ച് ഗോപാലകൃഷ്ണപിള്ളയെത്തുമ്പോള്‍ തിരിച്ചറിവിന്റെ സുഖത്തിലായിരുന്നു അവരെല്ലാവരും. ബി. ഉണ്ണികൃഷ്ണന്‍ ആദ്യമായി സംവിധാനം ചെയ്യുന്ന മോഹന്‍ലാല്‍ ചിത്രമായ മാടമ്പിയിലെ കേന്ദ്രകഥാപാത്രമാണ് ഗോപാലകൃഷ്ണപിള്ള. പതിവ് മോഹന്‍ലാല്‍ ചിത്രത്തില്‍ നിന്ന് വിഭിന്നമായ വഴികള്‍ സ്വീകരിച്ചെത്തുന്ന 'മാടമ്പി' സൂര്യ സിനിമാസിന്റെ ബാനറില്‍ ബി.സി. ജോഷി നിര്‍മിക്കുന്നു.മോഹന്‍ലാല്‍ നായകനാകുന്ന ചിത്രത്തില്‍ കാവ്യാമാധവനാണ് നായിക. ഇരുവരും ജോഡിയായി സ്‌ക്രീനിലെത്തുന്ന ആദ്യചിത്രം കൂടിയാണിത്. ജഗതി ശ്രീകുമാര്‍, ഇന്നസെന്റ്, സായ്കുമാര്‍, സിദ്ദിഖ്, മണിയന്‍പിള്ള രാജു, ജഗദീഷ്, സുരാജ് വെഞ്ഞാറമ്മൂട്, വിജയകുമാര്‍, കിരണ്‍രാജ്, നാരായണന്‍ നായര്‍, അജ്മല്‍ അമീര്‍, കെ.പി.എ. സി. ലളിത, മല്ലികാകപൂര്‍, ശ്രീലതാനമ്പൂതിരി, ഫാത്തിമബാബു തുടങ്ങിയവരാണ് മറ്റു താരങ്ങള്‍.
No comments:
Post a Comment